Heqja e kufizimeve nga vendet e Bashkimit Evriopian ka bërë që të shtohet fluksi i udhëtarëve në aeroportin ‘Nënë Tereza’. Siç shihet dhe nga pamjet e siguruara nga FaxNews, të shumtë janë shtetasit shqiptarë që udhëtojnë jashtë vendit. Nga vrojtimi i kamerës së Faxnews u vu re që shumica e udhëtarëve ishin shtetas shqiptarë rezidentë në vendet e Bashkimit Evropian.
Kalimi në aeroport mund të ndodh me paraqitjen e një testi Covid negativ. Qytetarët u shprehën për gazetaren e FaxNews Sara Demushi të revoltuar për çmimin e testit prej 35 euro që kryhet në aeroport. Sipas tyre ky çmim është tepër i shtrenjë krahasuar me pagat në Shqipëri.
Një shtetas shqiptar rezident në Gjermani, e cilësoi çmimin e testit jo të shtrenjtë, po shumë të shtrenjtë, duke theksuar se në një vend si Gjermania ku rroga është 2000 euro testi kushton 3 euro.
“Tepër e kushtueshme, në supermarketet e Gjermanisë e blen testin me 3 euro këtu me 35 euro. Në Gjermani e ke rrogën 2000 euro këtu 300 euro, si nuk është shtrenjtë një test 35 euro”, tha një tjetër qytetar.
Të shtrenjtë e cilësuan testin dhe dy pensionistë të cilët do të udhëtonin drejt Italisë, raporton FaxNews.
“Dy teste pagova 86 mijë lekë, të paktën të ishte më lirë. Ne pensionistë jemi është shumë shtrenjtë, mos të ishte falas po të ishte më lirë”, thanë dy pensionistë që do të udhëtonin drejt Italisë.
