COVID-19 vijon të përhapet me shpejtësi dhe deri tani ka infektuar 162,588 persona në gjithë botë, teksa 6,069 njerëz kanë humbur jetën dhe 76,219 të tjerë janë shëruar.
Sikundër ka bërë me dije edhe Organizata Botërore e Shëndetësisë tashmë epiqendra e virusit është bërë Europa, teksa Kina dhe Korea e Jugut po përmirësohen dita-ditës.
Shteti me situatën më problematike vijon të jetë Italia, teksa Gjermania deri tani ka dhënë një shembull shumë të mirë për shkak të numrit të ulët të viktimave.
Si po e ndalon Gjermania përhapjen e Coronavirusit? Mjekët po bëjnë të kundërtën e vendit tonë
Mirëpo, orët e fundit është vënë re se numri i të infektuarve në shtetin gjerman është rritur ndjeshëm dhe brenda pak orësh janë regjistruar 782 raste të reja.
Në orën 9:00 të mëngjesit ishin 4,599 të infektuar dhe 9 viktima, teksa në mesditë numri total ka shkuar në 5,381 të infektuar.
Po ashtu, gjatë këtyre orëve është shënuar edhe një viktimë, duke e çuar në 10 numrin e të vdekurve.
Rikujtojmë se Gjermania nuk ka shpallur as karantinën dhe as bën thirrje për të qëndruar në shtëpi, teksa qeveria ka miratuar paketën më të madhe të ndihmës ekonomike të Gjermanisë, me vlerë 550 miliardë euro për kompanitë e ndryshme, duke iu ofruar atyre kredi për të mbajtur bizneset e tyre hapur.
Ndërkohë, kancelarja Merkel reagoi sot për herë të parë rreth Coronavirusit dhe me anë të një video-mesazhi u bëri thirrje gjermanëve për kujdes dhe të shmangin kontaktet në mënyrë që të parandalohet rritja e numrit të të infektuarve dhe të kurohen personat më në rrezik për jetën.
Coronavirusi: Pasi miratoi paketën më të madhe të ndihmës, Merkel ka një mesazh për gjermanët
