Sipas vendimit të dalë nga Gjykata e Posaçme, Sali Berisha do të mbikëqyret vazhdimisht nga policia për të parë nëse po zbatohet masa “arrest shtëpie” nga lideri i opozitës.
Organet e rëndësishme si SPAK, shërbimet e policisë gjyqësore nga Drejtoria e Përgjithshme e Policisë së Shtetit do të jenë përgjegjës për mbikqyrjen e zbatimit të kësaj mase.
SPAK për mbikëqyrjen e zbatimit të masës u lë detyrë policisë, e cila cakton një polic apo dy, të cilët do të paraqiten çdo ditë në derën e shtëpisë së Berishës.
Kujtojmë se lideri i opozitës jeton në njësinë administrative, nr 2, në kryeqytet, në rrugën “Mustafa Matohiti“.
Mësohet se do të vendoset nga policia një orar i caktuar për të bërë kontrollin e zbatimit të masës çdo ditë. Nuk do të qëndrojë polici te dera 24 orë.
