Gjykata e Apelit Tiranë, ka ndryshuar relatorin për çështjen e PD, lidhur me regjistrimin në gjykatë të statutit të korrikut 2021 dhe vendimeve të dala nga Kuvendi Kombëtar i Partisë Demokartike të Shqipërisë i datës 17.07.2021.
Kjo çështje u ankimua nga Partia Demokratike e kryesuar nga Berisha në datën 12.04.2022 dhe kaloi nga Gjykata e Rrethit Gjyqësor Tiranë, pranë Gjykatës së Apelit. Apeli ditën e sotme bëri me dije se tashmë nuk do të jetë më relator Gent Shala, por Irida Kacerja, e cila ka kaluar pak kohë më parë Vetingun. Kacerja do të bëjë shqyrtimin e çështjes së bashku me gjyqtarët Edlira Petri dhe Elona Toro.
“Në bazë të vendimit nr.7, datë 01.06.2022, të Këshillit të Gjykatës së Apelit Tiranë “Për rindarjen me short të cështjeve gjyqësore”, në kushtet e caktimit rishtazi (ngritjen në detyrë) në këtë Gjykatë të katër gjyqtarëve,znj.
Elona Mihali, znj. Irida Kacerja, znj. Marsela Dervishi dhe znj.Ornela Naqellari është vendosur rindarja me short midis gjyqtarëve të cështjeve civile, të cilat nuk janë shpallur për gjykim nga gjyqtarët Alma Ahmeti, Edlira Petri, Elbana Lluri, Emona Muci, Genti Shala, Ilir Toska dhe Valdete Hoxha, të ngarkuar më herët si relatorë, deri në ngarkesën mesatare të ponderuar të cështjeve civile. Në total janë 12.863 cështje civile të regjistruara nga viti 2016-22.04.2022, të cilat i’u nënshtruan procedurës së rishortimit”, thuhet në njoftimin për mediat.
