Pas largimit të Vasila Hysit, kryeministri Edi Rama ka lajmëruar disa ndryshime të rëndësishme në listën e kandidatëve në Tiranë.
Në prezantimin e sotëm të programit për Drejtësinë nga PS, deputetja e majtë, Vasilika Hysi, njoftoi largimin e saj nga partia me qëllim hapjen e vendin për të rinjtë.
Vetë Hysi deklaroi se këto 12 vite kanë qenë mjaft të vyera për të duke i quajtur reformën në drejtësi dhe drejtimin e Kuvendit dy shkolla të jetës
Kryesuesja e re e listës është Etilda Gjonaj. Teksa vlerësoi reformën në drejtësi si një sfidë të madhe të cilën PS sipas saj mundi ta kalonte, znj. Hysi u shpreh se për të ishte privilegj të ishte pjesë e saj.
“Siç hyra 12 vjet më parë në politikë me dëshirën për të kontribuar, sot dal pas 12 vjetësh e nderuar për kontributin tim në PS, që në dy mandate mundëm të bëjmë realitet një ëndërr që e kemi pasur të gjithë, reformën në drejtësi, reformën e pronës dhe luftën kundër diskriminimit”, tha znj. Hysi.
Në listën e Tiranës dhe në ekipin e juristëve të grupit parlamentar pritet të bashkohet edhe ish-zv.ministri i Drejtësisë, Toni Gogu.
Kujtojmë se ky ndryshim ka ardhur vetëm pak javë para zgjedhjeve të 25 Prillit dhe pasi listat e kandidatëve për selinin qark ishin bërë publike nga PS.
