Një 42-vjeçare ka rënë në prangat e policisë ditën e sotme pas një incidenti të ndodhur në aeroportin e Rinasit. Policia arrestoi në flagrancë 42-vjeçaren me iniciale Sh.K., pasi kjo e fundit goditi për shkak të detyrës punonjësen e një kompanie ajrore.
Mësohet se gruaja e ka goditur punonjësen pasi asaj nuk i është mundësuar udhëtimi për kushte që nuk vareshin nga punonjësja në fjalë. Ajo u arrestua nga Specialistët për Hetimin e Krimit në Komisariatin e Policisë Rinas dhe akzohet për veprën penale “Goditja për shkak të detyrës”.
Ndërkohë, materialet i kanë kaluar Prokurorisë së Rrethit Gjyqësore Tiranë për veprime të mëtejshme hetimore lidhur me ngjarjen në fjalë.
Njoftimi i plotë i Policisë së Shtetit:
Goditi për shkak të detyrës punonjësen e një kompanie ajrore, arrestohet në flagrancë 42-vjeçarja. Specialistët për Hetimin e Krimit në Komisariatin e Policisë Rinas bënë arrestimin në flagrancë për veprën penale “Goditja për shkak të detyrës” të shtetases Sh. K., 42 vjeçe.
Arrestimi i kësaj shtetaseje u bë pasi ka goditur për shkak të detyrës punonjësen e një kompanie ajrore, pasi nuk i është mundësuar udhëtimi, për shkaqe që nuk vareshin nga punonjësja. Materialet i kaluan Prokurorisë së Rrethit Gjyqësor Tiranë, për veprime të mëtejshme
