Një ngjarje e rëndë dhe e pazakontë ka ndodhur në Bruksel.
Një makinë është futur në një kafene duke lënë të plagosur gjashtë persona, teksa shoferi është larguar mënjëherë nga vendngjarja.
Ndërkohë që mediat e huaja bëjnë me dije se për fat të mirë gjashtë të plagosurit janë jashtë rrezikut për jetën, ndërsa policia është vënë në ndjellje të autorit.
Sakaq, mbetet e paqartë nëse ky ishte një aksident, apo një sulm i qëllimshëm.
Vlen të kujtojmë që një edhe në Shqipëri ka ndodhur një ngjarje e ngjashme, ku “lajthitja” e një drejtuesi ka bërë që mjeti të përfundojë në kafene.
Në qershor të këtij viti, një makinë ka përfunduar në një lokal pasi shoferi i automjetit tip “Volsëagen” ka humbur kontrollin dhe ka dalë nga rruga.
Nga aksidenti ka mbetur i lënduar 1 person qe po pinte kafe ne lokal i cili është dërguar për të marrë ndihmën mjekësore në Spitalin Rajonal të Lezhës.
“Rreth orës 08:30, në aksin rrugor dytësor Lezhë -Milot, në vendin e quajtur Tresh, shtetasi N.V. , ka humbur kontrollin mbi drejtimin e mjetit të tij duke dalë nga rruga dhe përfunduar tek veranda e një lokali. Për pasojë, është lënduar shtetasi N.N. 60 vjeç, klient i lokalit, i cili ndodhet në Spitalin Rajonal Lezhë, jashtë rrezikut për jetën.
Grupi hetimor vazhdon veprimet hetimore për zbardhjen e plotë të rrethanave të aksidentit”, thuhej asokohe në njoftimin e policisë së shtetit.
