Një tjetër shpërthim ka ndodhur pak minuta më parë në Kabul. Sipas mediave të huaja, BBC raporton se një shpërthim i fortë është dëgjuar pranë aeroportit të Kabulit.
Disa imazhe të postuara në mediat sociale tregojnë retë e zeza të tymit që ngrihen në ajër mbi ndërtesat.
Një zyrtar i ministrisë së shëndetësisë ka thënë për BBC se shpërthimi i fundit u shkaktua nga një raketë që goditi një shtëpi pranë aeroportit.
Aeroporti nuk u godit drejtpërdrejtë, tha burimi. Ende nuk dihet nëse ka viktima.
Presidenti amerikan Joe Biden lajmëroi mbrëmjen e djeshme se ai kishte informacion për një sulm tjetër në aeroportin e Kabulit.
Rreth 170 persona u vranë në një shpërthim vetëvrasës pranë aeroportit të enjten, i cili u krye nga një degë e grupit të Shtetit Islamik.
Missile strike on a house near Kabul Airport, nature of the strike unclear https://t.co/wFdhCkHSwn
— ELINT News (@ELINTNews) August 29, 2021
Kujtojmë se afati i evakuuimeve është në përfundim dhe ende nuk dihet një përgjigje zyrtare se çfarë do të ndodhë pas përfundimit të evakuimeve të refugjtëve afganë. Shumë shtete janë bërë bashkë dhe kanë bërë të mundur sigurimin e një vendi strehimi në territorin e tyre. Nuk dihet ende periudha sesa do të qëndrojnë refugjatët afganë por mendohet për të normalizuar sa më shpejtë situatën që është krijuar nga terrori dhe lufta që kanë sjellë talebanët.
