Një ngjarje e rëndë ka tronditur të premten e kaluar Deçanin e Kosovës, ku një person ka sulmuar me armë një autobus me nxënës, ku si pasojë kanë mbetur të vdekur 3 persona. Tre viktimat ishin dy nxënës dhe shoferi i autobusit.
Ndërkohë ende vijon që të mbetet ende pa zbardhur shkaku dhe autori i kësaj ngjarje të rëndë.
Zeqe Malaj, personi që ka dërguar në spital Ledjonin, i cili fatkeqësisht ka ndërruar jetë, ka folur ditën e sotme për emisionin “Shqipëria Live”.
Malaj u shpreh se në vendin e ngjarjes kanë qenë menjëherë policia dhe ambulanca. Zeqe, i cili nuk ka qenë në autobus, është shprehur se kanë qenë gati 10 sekonda kur ka nxjerrë Ledionin nga autobusi. Ai shtoi se Ledioni e kishte marrë plumbin pas shpine dhe gjatë gjithë rrugës për në spital është munduar që t’i flasë në mënyrë që ta zgjoj por pa sukses.
“Ka qenë gati 10 sekonda kur unë kam nxjerrë Ledjonin nga autobusi. Ndjeva rrugës që pulsi pushoi, Ledioni më vdiq në prehër. Plumbin e kishte marrë pas në shpinë. Teksa isha në makinë pashë duart e mia me gjak. Gjatë gjithë rrugës jam munduar ti flas e ta zgjoj. Kur kemi shkuar në emergjencë në Deçan, mjekët dhanë maksimumin e tyre”, tha Malaj.
Ky i fundit shtoi se autori duhet të kapet, shteti po merret me zbardhjen e kësaj ngjarje
