Korçë- 3 të arrestuar dhe 1 në kërkim, ky është bilanci i operacionit të ndërmarrë 1 muaj më parë për goditjen e veprimtarisë kriminale në fushën e dhënies së ndihmës shtetasve të huaj, për kalim të paligjshëm të kufirit kundrejt fitimit.
Policia ka zbuluar se ata ndihmonin shtetas të paligjshëm të kalonin kufirin në këmbim të 100 eurove, më pas i strehonin në hotelin e tyre, në lagjen nr. 9, dhe së fundmi kryenin transportimin e tyre në drejtim të kryeqytetit.
Personat në fjalë janë shtetasit me iniciale:
-. D., 46 vjeçe, banuese në Korçë,
-V. D., 25 vjeç, banues në Korçë (djali i 46-vjeçares) i dënuar më parë për “Prodhimi dhe shitja e narkotikëve”.
-N. D., 62 vjeç, banues në Tiranë,
Si edhe u bë shpallja në kërkim e shtetasit :
-N. D., 59 vjeç, banues në Korçë (bashkëshorti i 46-vjeçares) i dënuar më parë për “Kontrabanda me mallra të tjera”.
3 shtetasit e parë janë nga e njëjta familje: një çift bashkëshortësh dhe djali i tyre, pronarë të hotelit, ndërsa shtetasi N.D. është bashkëpunëtori i tyre, që transportonte klandestinët drejt Tiranës.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprën penale “Ndihma për kalim të paligjshëm të kufijve, kryer në bashkëpunim më shumë se 1 herë” e cila dënohet me burgim nga pesë deri në dhjetë vjet.
