Një kamarier shqiptar është kthyer në personazh në mediat italiane, për shkak të ndihmës ndaj të moshuarve që ndodhen në një karantinë për koronavirusin në Alassio.
Albi Albino punon në Hotelin Bel Sit, i cili u vendos në karantinë, pasi një 72-vjeare rezultoi me koronavirus.
Kjo gjë e detyroi shqiptarin të mos largohej por t’i shërbente të moshuarve.
Punën e shqiptarit e ka vlerësuar edhe kreu i rajonit të Ligurias, Giovanni Toti.
Në një postim në Facebook, ai shkruan se shqiptari ka zgjedhur të bëhet mik i shumë njerëzve, që janë të detyruar që të qëndrojnë në karantinë.
Më tej ai shton se do të bëjë përpjekje që Albi të marrë nënshtetësinë shqiptare.
“Ai është Albi Albino, një djalë shqiptar që po ndihmon aty ku ka më shumë nevojë, në hotelin e Alassios. Nga kamarier ka zgjedhur që të bëhet ndihmës dhe mbi të gjitha mik i shumë njerëzve që janë detyruar të qëndrojnë në karantinë, një pikë referimi në këtë moment delikat. Një falenderim i veçantë shkon për këtë djalë që ka treguar forcë, guxim dhe vendosmëri tipike të vendasve. Faleminderit Albi, do të mundohemi që të marrësh shtetësinë italiane që aq shumë e dëshiron. Sepse ti je njëri prej nesh”, thuhet ne postim.
