Shërbimet për blerjen e votave në Dibër nuk janë harruar, por shpërblehen sipas rastit. Lirohet nga qelia Pajtim Aga, vëllai i ish-shefit të Policisë Rrugore në Dibër, Robert Aga. Më 29 shtator 2020, Gjykata e faktit vendosi që Pajtim Agës pas 9 muajsh në burg, t’i zëvendësohet masa e sigurisë nga “Arrest me burg” në “Arrest shtëpie”.
Pajtim Aga është vëllai i ish-shefit të Policisë Rrugore në Dibër, i cili doli në përgjimet për blerjen e votave në Dibër. Menjëherë sapo i vëllai u kap me mbi 30 kg hashash në Tiranë, Robert Aga u shkarkua nga detyra si shef Policie.
Prokuroria e Tiranës ka bërë ankesë ndaj vendimit për lehtësimin e masës së arrestit për Pajtim Agën dhe dërgimin e tij në shtëpi.
Sipas Prokurorisë, Pajtim Aga duhet të ishte në burg bashkë me 6 të arrestuarit e tjerë të operacionit “Tranzit”, Edmond Rajta, Shkëlzen Nazari, Devis Mija, Marsida Piperi, Arjet Halilaj dhe Fatjon(Paulin) Dodaj.
/GazetaReforma.com/
