Ndeshjet e kategorisë Superiore janë zhvilluar edhe këtë të mërkurë, ku me gjithë kohën e pafavorshme përsëri ka pasur spektakël golazhj.
Kështu, një ndeshje të luftuar për çdo top, në çdo cep të fushës, ai që bën heroin për Tiranën është portieri Visar Bekaj. Gardiani i bardhebluve ndali në dy momente Nwabueze, mbi të gjitha arriti te pres një 11-metërsh në minutën e 36-të duke mbajtur në lojë kampionët në fuqi.
Nëse nuk shënon e pëson, ky rregull i pashkruar në futboll hyri në fuqi vetëm dy minuta më pas, ku Idi Batha me një goditje nga distanca realizojë një gol fantastik duke i dhuruar bardhebluve avantazhin në pjesën e parë.
Vllaznia dhuron show në transfertë përballë Kastriotit duke realizuar tre gola brenda pjesës së parë. Dunga kaloi shkodranët në avantazh që në minutën e parë ndërsa Dilaver dyfishoj shifrat në minutën e 18-të.
Ekipi i Brdaric nuk e uli ritmin në asnjë moment teksa në minutën e 43-të realizuan edhe golin e tretë me Imeri. Shkëlqen edhe Kukësi në transfertë përballë Bylis. Ekipi i Skënder Gegës zgjidhi shumë shpejt një transfertë delikate në letër.
Eze kaloi verilindorët në avantazh që në minutën e dytë ndërsa në fundin e pjesës së parë Ibrahimi dyfishoj shifrat. Në barazim pa gola u mbyll pjesa parë e sfidës tjetër Apolonia-Skënderbeu.
/GazetaReforma.com/
