Mesfushori i Italisë, Marco Verrati e ka të qartë se ndeshja finale e Euro 2020 përbalë Anglisë do të shënojë historinë.
“Jam i lumtur që mund të matem ndaj një ekipi të shkëlqyeshëm si Anglia në një stadium po aq prestigjioz sa Wembley. Do të jetë një ndeshje që do të shënojë historinë”, tha Verratti në një konferencë për shtyp të organizuar në qendrën teknike Coverciano (Firence, qendra stërvitore e Italisë).
Mesfushori i Paris Saint Germain është një nga liderët e Italisë, e cila mund të fitojë Kampionatin e dytë Evropian në historinë e tyre, pas vitit 1968. Ata do të garojnë kundër Anglisë, e cila luan në shtëpi dhe shënon fillimin e karrierës me kombëtaren për mesfushorin e qendrës.
Verrati i bëri debutimin e tij me Italinë në vitin 2012 kundër “Tre luanëve” dhe ndeshja e tij e parë në një Kupë Bote ishte pikërisht kundër anglezëve, në Brazil 2014.
“Anglia është një ekip shumë i fortë fizikisht, me lojtarë me teknikë të mirë. Ata gjithashtu do të luajnë në shtëpi, në një stadium që ata e njohin shumë mirë. Ata kanë shumë ekuilibër, dëshmuar nga fakti se ata kanë pësuar vetëm një gol në gjashtë ndeshje në këtë Kampionat Evropian”, tha ai.
Por mesfushori italian është optimist, i bindur se Italia ka një mesfushë të aftë të japë ritëm dhe një mbrojtje solide, të udhëhequr nga Giorgio Chiellini dhe Leonardo Bonuçi.
“Ne gjithmonë ndihemi të sigurt me Chiellini dhe Bonucci, ata lejojnë që mesfushorët të avancojnë më para”, u shpreh Verrati.
