Qeveria shqiptare ka bërë me dije se në Shqipëri do të ketë për herë të parë një burg për të dënuarit e moshuar mbi 60-vjeç.
Prej disa muajsh bëhëet me dije se ka nisur puna për rindërtimin e një godine në Pojskë të Pogradecit, e cila do të shërbejë si institucion i vuajtjes së dënimit të 110 të dënuarve mbi 60 vjeç.
Ndërkohë në këtë burg do të vuajnë dënimin edhe personat që janë dënuar për vepra të lehta, të cilët për momentin janë në burgje të tjera.
Po ashtu në këtë burg mësohet se do të punësohen një staf prej rreth 90 personash, staf mjekësor dhe policë burgjesh pasi të dënuarit në moshë të tretë kanë nevojë për më shumë përkujdesje shëndetësore dhe personale.
Qeveria shqiptare ka deklaruar se ky projekt do të kushtojë rreth 200 milionë lekë, ndërsa pritet që puna të përfundojë në vitin 2021.
Sipas drejtorisë së përgjithshme të burgjeve në institucionet e vuajtjes së dënimit, grup-mosha ndërmjet 60 vjeç deri në 70 vjeç përbën rreth 3% të të dënuarve dhe grup-mosha mbi 70 vjeç përbën rreth 0.5% të tyre./GazetaReforma.com/
