Viti 2023 ishte një vit i pasur me emocione dhe tragjedi në botën e sportit. Një ndër ngjarjet më tronditëse ishte humbja e disa personaliteteve të shquara. Rafael Duamena, sulmuesi ganez, u nda nga jeta në moshën 28-vjeçare pas një kolapsi gjatë një ndeshjeje në nëntor. Rosi Metermaier, skiatorja gjermane me dy medalje olimpike, ndërroi jetë në janar në moshën 72-vjeçare. Xhianluka Viali, ikona e futbollit italian, humbi betejën me një tumor në moshën 58-vjeçare më 6 janar. Kris Ford, ish-basketbollisti dhe trajneri i Boston Celtics, ndërroi jetë më 17 janar.
Elena Fançini, ish-skiatore italiane e njohur, u nda nga jeta më 8 shkurt pas një sëmundjeje të rëndë. Volkan Kahraman, ish-mesfushori austriak me prejardhje turke, humbi jetën më 8 shkurt pas një incidenti tragjik. Ilario Kastanjer, ish-futbollist dhe trajner, u nda nga jeta në moshën 82-vjeçare më 18 shkurt. Kristian Atsu, ish-futbollisti i Njukasëllit, Evertonit dhe Portos, humbi jetën nga tërmeti tragjik në Turqi dhe Siri në shkurt.
Zhyst Fontain, legjenda e futbollit francez, u nda nga jeta më 1 mars në moshën 89-vjeçare. Xhulia Ituma, volejbollistja italiane 18-vjeçare, u hodh nga kati i një hoteli në Stamboll dhe gjeti vdekjen më 13 prill. Silvio Berluskoni, ikona e politikës italiane dhe presidenti më i suksesshëm i Milanit, humbi jetën më 18 qershor pas një beteje të gjatë me sëmundjen. Luis Suarez, ish-futbollisti i Interit dhe fituesi i Topit të Artë, u nda nga jeta në moshën 88-vjeçare më 9 korrik. “Sir” Bobi Çarlton, legjenda e futbollit anglez dhe fituesi i Kupës së Botës në 1966, humbi jetën më 21 tetor. Këto humbje lajmërojnë fundin e një ere dhe lënë një kujtesë të thellë për kontributin e tyre në botën e sportit.
