Poeti dhe shkrimtari i njohur Uran Kostreci ka ndërruar jetë në moshën 83 vjeçare. Kostreci njihej edhe si një simdol i qëndresës anti-komuniste.
Në regjimin diktatorial ai u dënua me 20 vite burg për rezistencën e tij dhe pas burgut u dënua me 5 vite internim.
Uran Kostreci lindi në qytetin e Korçës në 29 janar të vitit 1938 dhe ka pohuar se është përballur me komunizmin që në moshë shumë të vogël, kur ishte vetëm 8 vjeç. Babanë e tij, Fuat Kostrecin e kishin arrestuar në vitin ’86 me akuzën se kishte qenë në komitete klandestine për të rrëzuar pushtetin. Prej atëherë fillon edhe kalvari i gjatë i vuajtjeve prej regjimit diktatorial.
Pavarësisht se ishte “me njollë në biografi”, Kostreco përfundoi normalen e Elbasanit dhe filloi punë në Vlorë si arsimtar. Por pasioni për poezinë vazhdonte paralelisht edhe pse vargjet e tij nuk ishin të zakonshme.
Kostreci shkruante kundër diktatorit Enver Hoxha. Kur shkrimet u zbuluan, ai tentoi të arratisej nga vendi, por u kap në Pogradec dhe u dënua me burgim në Burrel. Poezia nuk doli kurrë dhe Kostreci u dënua vetëm për tentativën për arratisje. Pasi përfudnoi dënimin ai u kthye në Elbasan ku filloi të punonte si hamall, por sërish u arrestua dhe u internua në fshatin Kurtaj të Peqinit.
Me rrëzimin e regjimit ai u emërua kryeredaktor i gazetës “Liria”. Më vonë ai u zgjodh kryetar i Partisë Demokratike në Elbasan po më pas dha dorëheqjen.
Në vitin 1997 Uran Kostreci ishte në Amerikë i strehuar nga shoqata “Vatra”, të cilët i kishin dhënë një dhomë. Në vitin 2007 ai e la Amerikën dhe u kthye në vendlindje, ku botoi edhe një libër me sonete dhe një novelë.
