Koronavirsui vijon të marrë jetë njerëzish në vendin tonë, pasi vetëm ditën e djeshme u njoftua se kishin humbur betejën me këtë virs 8 persona, duuke e çuar në 598 numrin total të jetëve të humbura që nga fillimi i pandemisë.
Por ditën e sotme mësohet se ka humbur jetën nga Covid-19 Violeta Licaj, mësues në shkollën “Liri Gero” në Fier. E ndjera ka shërbyer prej 40 vitesh në arsim, ndërsa kishte shfaqur shenjat e Covid-19 para 10 ditësh, dhe ishte nisur për në Tiranë pasi gjendja e saj shëndetësore ishte përkeqësuar.
Kjo ëshrtë mësuesja e dytë që humb jetën nga koronavirusi në këtë qytet pasi para pak ditësh u njoftua se kishte humbur jetën dhe mësuesi 60-vjeçar Gramoz Abedinaj.
Kujtojmë se, deri më tani, mësuesit që e kanë humbur betejën me koronavirusin, janë shtatë.
27 korrik- Gazion Rusi 39 vjeç, mësuesi i Medresesë, Shkodër
17 shtator- Nardi Xhemollari, 47 vjeç, mësues në Pogradec
28 tetor- Irena Bajlozi, 61 vjeç, mësuese në Përrenjas
10- nëntor- Gramoz Abedinaj, 60 vjeç, mësues në Roskovec
11 nëntor -Fatmir Sula, shkolla “Bishqem” në Peqin
11 nëntor- një mësuese në Elbasan, e shtruar prej 2 javësh tek Sanatoriumi
12 nëntor- Xhevit Dermyshi, 66 vjeç, mësues matematike në Gramsh
Ndërkohë ditën e djeshme ministrja e Arsimit, Evis Kushi tha se momentalisht gjashtë mësues ndodhen në spital duke u trajtuar, teksa u mjaftua me faktin se çdo ditë ka mësues të infektuar, por ka edhe të shëruar.
“Ne çdo ditë kemi mësues të infektuar por kemi dhe të shëruar. Disa janë me simptoma të lehta, disa janë të vetkarantinuar. Situata është dinamike dhe nuk kemi një shifër të saktë. Ne menjëherë bëjmë zëvendësimin e tyre. Për momentin, 6 mësues të shtruar në spital për shkak të infektimit me Covid,” tha ndër të tjera ministrja.
