Një ngjarje e rëndë është regjistruar ditën e djeshme në Shkodër rreth orës 09:00 të paradites, ku një punëtor 66 vjeçar, Pjetër Nikolli, ka rëndë nga çatia e shtëpisë ku po punonte, ku nuk ka mundur t’i shpëtonte plagëve të marra dhe për pasojë ka gjetur vdekjen e menjëhershme.
Specialistët për Hetimin e Krimit të Komisariatit të Policisë Pukë, kanë dhënë vendimin për ngjarjen e rëndë të ndodhur ditën e djeshme ku proceduan penalisht për veprën penale “Shkelja e rregullave të mbrojtjes në punë shtetasin Gjovalin Dusha 64 vjeç, banues në lagjen “Skenderbeg”, Lezhë.
Kujtojmë se personi i cili humbi jetën Pjetër Nikolli, ka qenë duke punuar në çatinë e shtetasitGjovalin Dusha ku është aksidentuar dhe ka rënë nga lartësia duke gjetur kështu si pasojë vdekjen.
Njoftimi i Plotë
DVP/Shkodër
Specialistët për Hetimin e Krimit të Komisariatit të Policisë Pukë, proceduan penalisht për veprën penale “Shkelja e rregullave të mbrojtjes në punë shtetasin Gj.D., 64 vjeç, banues në lagjen “Skenderbeg”, Lezhë.
Procedimi ndaj tij filloi pasi në vendin e quajtur Qafë Qelë, fshati Gomsiqe, Pukë, në banesën e vjetër të shtetasit GJ.D, është aksidentuar duke rënë nga lartësia dhe për pasojë ka gjetur vdekjen shtetasi P.N., 66 vjeç banues në lagjen “Kalaja”, Lezhë, i cili ishte duke kryer disa punime në çatinë e banesës së këtij shtetasi.
Materialet iu referuan Prokurorisë pranë Gjykatës së Parë Pukë, për veprime të mëtejshme.
