Një shtetas italian 63-vjeçar ka ndërruar jetë në Tiranë mëngjesin e sotëm, vetëm katër ditë pas një ndërhyrjeje në një klinikë dentare.
Sipas informacioneve zyrtare, më datë 22 maj 2025, shtetasi italian D. S., me banim të përkohshëm në Tiranë, është paraqitur në spital për trajtim mjekësor. Dyshohet se gjendja e tij shëndetësore është përkeqësuar pas një ndërhyrjeje kirurgjikale të kryer më 20 maj, në një klinikë dentare të ndodhur në Rrugën e Kosovarëve.
Pavarësisht ndihmës së marrë në spital, 63-vjeçari nuk ka mundur të mbijetojë dhe ka ndërruar jetë në orët e para të mëngjesit.
Specialistët për Hetimin e Krimit në Komisariatin e Policisë Nr. 2 kanë nisur hetimet paraprake për zbardhjen e rrethanave të ngjarjes. Ata kanë marrë në pyetje administratorin dhe dentistin e klinikës, ndërsa materialet hetimore janë referuar në Prokurori për vlerësim të mëtejshëm.
