Një i dënuar me vendim gjykate për “Kundërshtim i punonjësit të Policisë së Rendit Publik” ka ndërruar jetë ditën e sotme në ambientet e Qendrës Spitalore Universitare “Nënë Tereza” (QSUT).
Shtetasi Namik Paja vuante nga disa probleme serioze shëndetësore. Gjatë qëndrimit të tij në institucion, ai është shtruar tri herë në Qendrën Shëndetësore të Burgut.
Paja vuante nga disa probleme serioze shëndetësore, përfshirë: Çrregullim Bipolar Tip 1, insufiçiencë kardiake dhe Sindrom Iskemik i Zemrës, hipertension arterial (stad II-III), çrregullime psikotike, hernie umbilikale e diagnostikuar më herët.
Ngjarja është raportuar menjëherë tek organet kompetente, përfshirë Prokurorinë, SHKBB dhe Policinë e Shtetit, të cilat po kryejnë veprimet procedurale në përputhje me ligjin.
