Ka ndërruar jetë në moshën 62-vjeçare Baba Hekuran Nikollari, kleriku i njohur i Teqesë në Alipostivan.
Sipas burimeve policore, dyshohet se shkaku i vdekjes ka qenë një arrest kardiak, por pritet ekspertiza mjeko-ligjore për të përcaktuar shkaqet e sakta.
Baba Hekuran Nikollari kishte shërbyer për vite me radhë në këtë teqe, duke u dalluar për përkushtimin ndaj komunitetit të besimtarëve dhe promovimin e harmonisë fetare.
Teqeja e Alipostivanit është një nga qendrat më të rëndësishme të bektashizmit në zonën e Përmetit dhe më gjerë, duke mirëpritur çdo vit qindra pelegrinë. Ndarja nga jeta e Baba Hekuran Nikollarit lë një boshllëk të ndjeshëm në këtë komunitet fetar.
