Humbin jetën te spitali Infektiv dy pacientë të shtruar prej ditësh me Covid-19.
Mësohet se ditën e sotme ka humbur jetën një 33-vjeçare dhe një 60-vjeçar, të infektuar me koronavirus. Viktimat ishin shtruar në spitalin Infektiv, dhe pas komplikacioneve shëndetësore, kanë ndërruar jetë.
Ndërkohë një prej viktimave , vajza 33 vjeçe, vuante edhe nga sindroma Down. Sipas Balkanweb vetëm paraditen e sotme, kanë mbërritur te spitali Covid-1 11 urgjenca mjekësore, mes të cilëve ka shumë mosha të reja. Dhe për këtë arsye spitalet Covid kanë bërë edhe një rotacion.
Nga data 15 gusht e deri në 15 shtator rastet me Covid-19 nga Tirana, Shkodra, Korça, Pogradeci, Elbasani. do të referohen vetëm në spitalin Covid-1, ndërsa qytetet e tjera do t’i dërgojnë pacientët me Covid-19 në spitalin Covid-2(Shefqet Ndroqi).
Mendoshet se një rotacion i tillë do të ulë numrin e të shtruarve në spitalin e Sanatoriumit, i cili ka pasur më shumë ngarkesë, pasi javën e kaluar u tha se 210 shtretër ishin zënë dhe ky numër tani është reduktuar në 185.
Kujtojmë se ditën e djeshme humbën jetën 3 persona me Covid-19 duke e çuar në 228 numrin total të jetëve të humbura që nga fillimi i pandemisë. Dhe u raportua për 120 raste të reja.
