Pak muaj më parë, vdekja e 25-vjeçares Rexhin Debrova në maternitetin e qytettit të Elbasanit tronditi opinionin publik shqiptar.
E reja ndërroi jetë vetëm një orë pasi solli në jetë vogëlushen e saj. Në fillim u tha se e ndjera pësoi atak kardiak, por familjarët e 25-vjeçares akuzuan mjekët për pakujdesi dhe neglizhencë.
Ata shprehen se kardiologu erdhi tre orë me vonesë. Gjykata e Elbasanit i la të lirë dy mjekët që u arrestuan për vdekjen e 25-vjeçares Rexhina Debrova.
Ndërsa së fundmi është publikuar autopsia mjeko-ligjore për shkaqet se përse ka ndërruar jetë 25-vjeçarja, Rexhina Debrova.
Mësohet se mjeku ligjor, Admir Sinamati pasi vlerësoi trupin e viktimës vuri re se në trupin e shtetases Rexhina Debrova u konstatuan plagë operatore në regjionin e poshtëm të barkut si dhe shenja të veprimeve të tjera mjekësore.
Në autopsinë mjeko-ligjore publikuar nga gazeta ‘’Panorama’’ thuhet se i vdekjes së shtetases Rexhina Debrova ka qenë embolia amniotike.
Është konstatuar gjithashtu edhe një plagë operatore cezariane në mitër. Këto janë shenjat e përgjithshme të asfiksisë karakterizuar me vazodilatacion.
Po ashtu është konstatuar edhe spazmë e muskulaturës së lëmuar të rrugëve të frymëmarrjes si dhe reaksion të shtuar granuluar të tyre.
