Mbledhja e Këshillit Politik për reformën zgjedhore, e mbajtur në Pallatin e Kongreseve pak minuta më parë është ndërprerë.
Shkak për ndërprerjen e saj janë bërë debatet e forta mes bashkëkryetarit të reformës zgjedhore, Damian Gjiknurit, nënkryetarit të LSI-së Petrit Vasilit dhe Oerd Bylykbashit.
Mbledhja rinisi pas një pushimi të shkurtër, pasi palët janë qetësuar. Debati ka ardhur pas deklaratave të djeshme të kryeministrit Rama për reformë.
Opozita është shprehur se pas këtyre deklaratave fshihet qëllimi i kryeministrit për të shkatërruar konsensusin për reformën zgjedhore.
