Mikhail Gorbachev, presidenti i fundit i Bashkimit Sovjetik para shpërbërjes së tij,ka humbur jetën në Moskë në moshën 92-vjeçare, sipas deklaratave zyrtare.
Vlen të theksojmë se Gorbaçovi, sundimi i trazuar i të cilit lidhej me termat perestrojka dhe glasnost (reformë dhe hapje) vdiq pas një sëmundjeje të gjatë, njoftuan agjencitë shtetërore ruse të lajmeve.
“Mikhail Sergeevich Gorbachev vdiq këtë mbrëmje pas një sëmundjeje të rëndë dhe të zgjatur,” tha Spitali Klinik Qendror, sipas RIA / Novosti të martën.
Kujtojmë se më herët ish-udhëheqësi sovjetik, Mikhail Gorbachev, paralajmëroi se mosmarrëveshjet aktuale midis Rusisë dhe Perëndimit e çojnë botën në “rrezik kolosal” për shkak të kërcënimit nga armët bërthamore.
Në një intervistë për BBC-në, Gorbachev kërkoi nga të gjitha vendet që të deklarohen për shkatërrimin e armëve bërthamore, me qëllim “shpëtimin e vetes dhe të planetit”.
“Për aq kohë sa ekzistojnë armë të shkatërrimit në masë, në radhë të parë armë bërthamore, rreziku është kolosal”, tha Gorbachev. Intervista vjen tri dekada pas rënies së Murit të Berlinit dhe në kohën e shqetësimeve në rrijtje për kthim në Luftën e Ftohtë. I pyetur t’i përshkruajë tensionet aktuale midis Moskës dhe Perëndimit, Gorbachev tha: “Të ftohta dhe luftë”.
Frika për një garë të re me armë bërthamore është rritur prejse Shtetet e Bashkuara dhe Rusia janë tërhequr, muaj më parë, nga Traktati i Forcave Bërthamore me rreze të mesme veprimi, shkruante REL.
Ky traktat, me të cilin janë shkatërruar koka të shumta bërthamore, është nënshkruar më 1987 nga Gorbachev dhe presidenti i atëhershëm amerikan, Ronald Reagan
