Stomatologia Olesia Duka është dënuar me 10 vjet burg nga gjykata e Durrësit, pasi akuzohet se ka mashtruar 12 biznesmenë.
Prokuroria e Durrësit kishte kërkuar 15 vite burg për stomatologen, por duke qenë se Duka ka përfituar nga gjykimi i shkurtuar, dënimi i saj ulet automatikisht me një të tretën.
38 vjeçarja ka mashtruar disa persona në Tiranë e Durrës, duke përfituar një vlerë jo më 900 mijë euro siç u deklarua një ditë më parë, por rreth 2 milionë euro, sipas të dhënave nga sektori i pastrimit të parave në drejtorinë e krimit ekonomik.
Kujtojmë se në shkurt të këtij viti asaj iu vendosën në sekuestro preventive katër apartamente në Tiranë e Durrës, si dhe një klinikë dentare në Tiranë.
Sipas policisë procedimi penal proaktiv është ndjekur në harkun kohor të 2-3 muajve, duke zbardhur mekanizmin e mashtrimit dhe përpjekjet për t’i shpëtuar hetimit e fshehur pasuritë që dyshohet se janë vënë nga veprimtaria kriminale.
Hetimet kanë zbardhur se Olesia Duka prezantohej si administrator e subjektit “Shëndeti” shpk me profesion mjeke që kishte në pronësi disa klinika dentare me anë të të cilave, fitonte shumë para dhe i duhej valutë në euro me qëllim blerje materialesh.Për t’u dukur si një biznesmene e sigurt, Duka mbante të punësuar dhe dy shoferë.
Duka prezantohej si një biznesmene shumë e suksesshme dhe person që ka lidhje të forta politike dhe njohje të mëdha në fushën e biznesit, ku me të ardhurat që fitonte sponsorizonte aktivitetet bamirësie për shtresat në nevojë dhe fëmijët në nevojë. Për të arritur qëllimet e saj s’qaron prokuroria e Durrësit, Olesia Duka, kishte aktivizuar një rrjet të tërë informimi me anë të medias dhe rrejteve sociale, reklamave në automjete, si dhe me anë të reklamave të vendosura nëpër Tiranë.
Personat e mashtruar nga dentistja:
1. Gerta Lumi
2. Enver Xhengo
3. Etleva Lasku
4. Idlir Hoxha
5. Ilir Doci
6. Miranda Hitaj
7. Adem Selamaj
8. Drita Kristo
9. Viktor Hoxha
10. Lando Vito
11. Rezart Shtino
12. Edlira Shtino
13. Fjorza Mullai
14. Besnik Daci
