Dita e sotme është një ditë e shënuar dhe pikërisht për këtë arsye shumë kategori punëtorësh kanë vendosur që të ndërmarrin protesta, mirëpo Sindikata e Naftëtarëve ka realizuar një peticion me rëndësi.
Përfaqësues të sindikatës dhe të ndërmarrjeve të naftës janë mblehdhur ditën e sotme në Kuçovë për të firmosur një peticion, i cili i drejtohet kryeministrit Rama, ku i kërkohet të tregohet i vëmëndshëm ndaj një prej kategorive më të vuajtura të popullsisë. Mirëpo naftëtarët janë treguar të kujdesshëm që në peticion të përfshijnë edhe kategori të tjera të cilat kanë të njëjtat nevoje imediate ashtu si edhe ata që janë: minatorët, metalurgët etj.
Sipas tyre është e domosdoshme që të merren masa për këto kategori pasi shumë prej tyre vuajnë nga sëmundje profesionale dhe vdesin për shkak të kushteve në të cilat janë duke punuar.
Naftëtarët kanë kërkuar nga qeveria të mbajë qëndrim përgjegjës në lidhje me nismën që u ndërmor për përgatitjen e projektligjit për trajtimin financiar shtesë të profesioneve të vështira. Pas diskutimeve të shumta për padrejtësitë e mëdha dhe indiferencën vrastare të shtetit ndaj naftëtarëve në të kaluarën,naftëtarët i kërkuan qeverisë korrigjimin e ligjit të statusit të naftëtarëve,duke mbajtur premtimin e dakordësuar në 26 Prill 2018,për një shtesë financiare dinjitoze,40% të pagës minimale si rritje të pensionit aktual. Në fund të takimit,të gjithë naftëtarët e pranishëm firmosën peticionin drejtuar kryeministrit Rama me kërkesat e tyre,peticion që do të përcillet për tu firmosur nga të gjithë naftëtarët në çdo ndërrmarrje të prodhimimit të nafts në vendin tonë.
