Dita e sotme, është e dyta e grevës së urisë për naftëtarët e Ballshit.
Teksa gjenden nga ambientet e brendshme të uzinës, ata kërkojnë rrogat e prapambetura, për të rifilluar punën.
Ata deklarojnë se ministrja Balluku nuk ka pasur asnjë reagim kundrejt tyre, ndërsa shtojnë se mes tyre ka edhe persona me probleme shëndetësore.
“Deri më tani nuk ka ardhur asnjë mjek dhe asnjë përfaqësues i qeverisë. Nuk ka asnjë reagim as nga qeveria dhe nga ministria. Ose hapni uzinën, ose na jepni lekët. Ne nuk tërhiqemi nga greva e urisë. Ne duam që të fillojë puna në uzinë. Ish-krerët vodhën djersën e naftëtarëve. Këtu ne kemi grevistë të sëmurë që ka nevojë për ndihmë mjekësore.”, janë shprehur naftëtarët.
Ndërkohë, mëngjesin e sotëm në mbështetje të tyre janë edhe disa punonjës të tjerë të uzinës.
Që prej ditës së djeshme 10 naftëtarë të Ballshit vijojnë grevën e urisë në ambinetet e uzinës. Ata kërkojnë për pagat e prapambetura dhe rifillimin e punës.
/GazetaReforma.com/
