Naftëtaret greviste në Ballsh janë janë futur në ditën e 13-të të grevës së tyre ndërkohë gjendja e tyre shëndetësore vijon të përkeqësohet, por kjo nuk i ndalon ato që të vijoknë grevën deri në marrjen e rrogave që iu takojnë.
Gratë naftëtare i bëjnë thirrje kryeministrit të dëgjojë zërin e tyre përndryshe do qëndrojnë atyre deri në vdekje. Gratë naftëtare i kërkojnë deputeteve të parlamentit që të shikojnë se në çfarë gjendje janë ato.
“Zëri ynë nuk po dëgjohet. Nuk e dimë çfarë presin që të na japin një zgjidhje. Nuk dalim që këtu. Do të rrimë deri në vdekje. Fëmijët i kemi lënë në shtëpi na shikojnë vetëm nga televizori.
Përditë po ndihemi më të dobëta. Nuk jemi gra për show, luftojmë për bukën e fëmijëve. Zoti kryeministër jepi zgjidhje këtyre grave. Vërtetë thotë është privat me privat por ai është rregullator. Të kthehet në qeveri humaniste për nënat”, shprehen ato.
Ndërkohë para pak ditësh ato njoftuan se do të anulpjnë vendimin për të marrë me vete në grevë dhe fëmijë për shkak të frikës që kanë nga koronavirusi.
“Nuk do t’i sjellin fëmijët për momentin për shkak të frikës nga covid-19”.
