Situata aktuale në vend me rritjen e çmimit të naftës, bukës vajit ka vënë të gjithë shqiptarët me shpatulla pas murit. Këta të fundit veç streseve të përditshme, tashmë u duhet të përballen edhe me rritje çmimesh në produkte dhe shërbime. Shumë nga pushtetarët e krahut të majtë fajin për këto çmime stratosferë ia vendosin luftës midis Rusisë dhe Ukrainës. Por shumë prej shqiptarëve mendojnë që rritja e çmimeve është artificiale dhe abuzive.
Krahasuar me vendet e rajonit ne kemi çmimet më të larta në vend dhe kjo falë shumë faktorëve korruptiv që përdor administrata socialiste e Ramës. Por ndonëse xhepat e shqiptarëve po tkurren çdo ditë e më shumë, Edi Rama dhe Belinda Balluku nga Dubai mësojnë shqiptarët të kursejnë. Para pak ditësh ministrja e Ramës kërkoi që shqiptarët të kursejnë dhe të ecin në këmbë, madje të ndezin dritat një orë me vonesë, teksa Rama e kundërta e kryeministrit grek që po ndihmon të varfërit dhe fermerët me para, ky kryeministri jonë u kërkon shqiptarëve të shtrëngojnë dhëmbët.
Sikur të mos mjaftonte Rama të cilit i kemi dhënë votën për të ndihmuar popullin, djali i tij Gregor Rama ka ironizuar situatën në të cilën ndodhemi. Përmes një foto të para 9 viteve ku një person ecën mbi kalë në mes të Tiranës, Greku lë të kuptohet që po tallet me shqiptarët të cilët në mungesë të parave për të blerë naftën me një çmim rekord po u drejtohen kuajve, gomerëve dhe mushkave.
