Që nga nisja e luftës në Ukrainë, nafta pati së fundmi rënien më të madhe të çmimit, duke u tregtuar me 74.9 dollarë për fuçi në bursën ndërkombëtare. Por, në Shqipëri duket se efektet e luftës në Ukrainë paskan ndikuar shumë tek ne, sidomos tek nafta.
Vetëm dy ditët e fundit tregu dhe Autoriteti i Konkurrencës kanë reflekuar, duke ulur në përqindje shumë të vogla çmimin e naftës, vetëm 5 lekë për litër duke u shitur në shifrat e 193-194 për lekë në të gjitha pikat e karburantit.
Por, ulja e çmimit në bursa, reflektuar gjithashtu me uljen e vlerës së dollarit në raport me lekun shqiptar, i cili ka humbur një vlerë të paktën me 10 % përgjatë 2023, duhet të reflektonte një çmim më të ulët të naftës.
Aktualisht, Shqipëria cilësohet si një nga vendet me naftën më të shtrenjtë për konsumatorët, duke u renditur e 5-ta në botë. Çmimi i naftës, sipas ekspertëve të ekonomisë, reflekton gjithë problematikës e strukturës së ekonomisë shqiptare, e cila jo vetëm që është në monopol, por me çmimet e larta frenon rritjen ekonomike.
