Analistët e ekonomisë shprehen se çmimi i naftës ra me rreth 5% duke cekur nivelin më të ulët në katër muaj. Kjo rënje e çmimit duket se është ndikuar nga rënia e kërkesës për naftë në shkallë globale, por edhe nga prodhimi rekord në Shtetet e Bashkuara të Amerikës.
Gjurmuesi i kërkesës globale për naftë tregoi se kërkesa ishte mesatarisht 101.6 milionë fuçi në ditë (bpd) në gjysmën e parë të nëntorit, 200,000 fuçi në ditë më e ulët se parashikimi i saj për muajin.
Nafta Brent e Londrës po tregtohet në rreth 80.5 dollarë për fuçi, ndërsa nafta Bruto amerikane po tregtohet në rreth 76 dollarë për fuçi. të dyja kontratat ranë me rreth 1.5% në sesionin e kaluar. Analistët shprehen se, shqetësimet për një normë rekord të prodhimit në SHBA përbëjnë një presion të ri mbi çmimet e naftës, duke iu shtuar perspektivës tashmë shqetësuese të kërkesës.
Ndërsa në Shqipëri qytetarët vijojnë ta paguajnë më shtrenjtë edhe pse në bursa ka rënë nafta, në vendin tonë çmimi aktual është 200 lekë të reja për litër.
