Meçan Zotaj, ish-ushtar i UÇK-së, bashkë me atdhetarë të tjerë, morën iniciativën për të rikonstruktuar memorialin e 217 hormovitëve, masakruar nga shovinistët grekë më vitin 1914.
Por, disa ditë më parë, ai tregon se autoritet lokale të Tepelenës, me vendim të Këshillit Bashkiak, aprovuan lejen për fillimin e punimeve për memorialin e Hormovës. Zotaj ndërkohë, tregon se është kërcënuar në mënyrë indirekte nga kryetari i Bashkisë Tepelenë, Tërmet Peçi.
Sipas tij, ai është kërcënuar, se kushdo që e ngre atë memorial do të gjobitet dhe proçedohet penalisht.
Duke folur për emisionin ‘Abc e Mëngjesit’, Zotaj shprehet se ndihet i prerë në besë.
“Unë jam prej 2018 aktiv në klub. Kemi pas këtë memorial krejtësisht të dëmtuar. Ndërkohë memorialet e tjera pas ‘90 bëhen madhështore në jug të vendit. Atëherë vendosëm edhe ne të bëjmë memorialin, t’ja tregojmë grekëve. Kemi mbledhur një shumë parash dhe e kemi nisur lejen në këshillin bashkiak. Nuk ka të bëjë politika, edhe pse mbrëmë e kam marrë një ‘goditje’.
Nuk është momenti që unë e kam harruar, por kemi hedhur beton, kemi arritur në gjysmën e punës. Punonjësit e bashkisë na kanë kërkuar për të ndërprerë punën, duke na thënë se i është dhënë urdhër nga lartë. Jemi prerë në besë sepse ne kërkuam letrat dhe nuk na lanë. Kam pas takim me zotin Tërmet Peci jo vetëm një herë, por ka thënë nuk jam pas këtij rasti. Nuk është memorial kundër Greqisë, por për të rifreskuar memorien tonë, që mos të na kthehet një ditë mbrapsht. Memoriali për ngjarjen e Hormovës ka qenë ekzistues, ne po e rindërtojmë. Shikoni ky tekst origjinal do ruhet, do bëhet njëri shqip, njëri angisht që kur unë nesër nuk mund të jem aty, ta lexojnë. Nuk do shtohet asgjë tjetër”, tha Zotaj.
/GazetaReforma.com/
