Ndonëse 19-vjeçarja Hygerta Meta ka pranuar autorësinë për vrasjen e babait të saj, Pëllumb Meta, policia ka skeduar si të dyshuar të gjithë familjen Meta. Hijet e dyshimit janë ngritur, pasi nga një person e ka të vështitë ti kryej të gjitha veprimet vetëm.
Vajza është kthyer në skenën e krimit, ndërsa ka rrëfyer se ka qenë ajo që vrau babain e saj dhe nuk ka shfaqur asnjë shenjë pendese, 19-vjeçarja deklaroi se nuk pendohej që kishte vrarë babain pasi ai ia kishte nxirë jetën të gjithë familjes. Mësohet se Pëllumb Meta është vrarë me 4 plumba.
“E vrava vet se na nxiu jetën si familje dhe nuk jam penduar. Armen e krimit e hodha në det.”, mësohet të jetë shprehur ajo. Sakaq, pak metra më tutje, te Kthesa e Fllakës, është gjetur makina e autorit, që dyshohet se është transportuar nga djali i madh i tij, Hyseni. Kjo rrit edhe më tej dyshimet e policisë, se për ngjarjen ka pasur bashkëpunëtorë.
