Coronavirusi deri tani ka marrë 56 jetë njerëzish dhe ka infektuar mbi 2 mijë të tjerë.
Virusi që lindi fillimisht në Wuhan të Kinës pritet që të përhapet në të gjithë globin.
Shtete të ndryshme kanë planifikuar të evakuojnë nga Wuhani qytetarë e tyre.
Më herët ditën e sotme Ministria e Europës dhe Punëve të Jashtme bëri me dije se në Kinë ka rreth 400 shqiptarë që punojnë e jetojnë dhe 60 studentë.
Së fundmi, Top Channel bën me dije se dhjetë shtetas shqiptarë që punojnë në një provincë të Kinës veriore, si mësues të gjuhës angleze kërkojnë ndihmë për t’u rikthyer në Shqipëri.
Mësuesi M. Corja kontaktoi me gazetarin Muhamed Veliu dhe i tha:
“Bashkë me nëntë miqtë e mi ne jetojmë në provincën e Changchun, Jilin. Punojmë si mësues të gjuhës angleze. Kemi katër ditë që nuk dalim nga shtëpitë. Jemi plotësisht të izoluar. Ndjehemi shumë të rrezikuar dhe kemi nevojë nëse shtetit shqiptarë mund të na ndihmojë të kthehemi pasi e kemi të pamundur. Situata sa vjen dhe po rëndohet”
Corja, ashtu si shumë të tjerë, shprehet se numri i të infektuarve është shumë më i lartë se shifra e deklaruar.
“Këtu në Changsha një qytet me 7 milion banorë ku ne jetojmë prej 1 viti, media thotë qe ka 18 te infektuar por ka me shumë. Shifra e saktë nuk jepet pasi s’duan të shtohet paniku. Nga informacionet që kemi janë edhe shumë shqiptarë të tjerë në provinca të ndryshme të Kinës”.
Një deklaratë e tilë është bërë edhe nga një infermiere kineze.
Në një video të publikuar nga Daily Mail ajo thotë se qeveria kineze gënjen dhe se janë mbi 90 mijë të prekur nga virusi.
