Pritjes së gjatë po i vjenë fundi, kur kanë ngelur më pakë se 24 orë nga superfinalja e “EURO 2020”, Italia dhe Anglia po bëjnë përgatitjet e fundit për këtë sfidë madhore. Mediat kanë zbuluar disa elemente interesante për publikun.
Së fundmi, mediat e huaja, kanë zbuluar dhe fanellat që do të veshin nesër të dyja skuadrat. Italianët do të vazhdojnë të jenë të veshur me fanellën e tyre tradicionale, të kaltër, ndërsa Anglia mësohet se do të mbajë të veshur fanellën e bardhë.
Por pavarsishtë se ata kanë zgjedhur fanellën e bardhë, disa tifozë dëshirojnë që “Tre Luanët” të paraqiten me fanellat e kuqe, ashtu si në finalen e Kupës së Botës në 1966, duke shpresuar se kjo zgjedhje do të shërbente si një ogur i mirë. Gjithashtu portirët, Gianluigi Donnarumma do të vishet me të verdha, dhe Jordan Pickford me jeshile.
Anglia është gjunjëzuar si një gjest anti-racizëm para çdo ndeshje dhe Italia konfirmoi se ata do të bashkohen për solidaritet, nëse ekipi kundërshtar e kërkon atë.
Kjo kërkesë i është bërë arbitrit, kështu që të dy skuadrat do të gjunjëzohen për pak kohë para fillimit të ndeshjes, konfirmojnë mediat. Në këtë ndeshje Italia synon trofeun që mungon prej vitit 1968, kurse për Anglinë është finalja e parë. “Wembley” është një garanci për të zotët e shtëpisë me 15 fitore në 17 ndeshjet e fundit. Lajmi i keq? Dy herët e fundit kombëtarja që e ka luajtur finalen në shtëpi e ka humbur atë; Portugalia 2004 dhe Franca 2016.
