Prokuroria e Tiranës vendosi të rihapte dosjen e 21 janarit dhe çështja do të fokusohet konkretisht tek vrasja e njërit prej katër protestuesve, Aleks Nikës.
Xhaxhai i Nikës ka folur për emisionin “Open” ku ka zbuluar se familjes i janë ofruar lekë nga Strasburgu për të mbyllur çështjen. Por Mark Nika tha se vrasja nuk zgjidhet me para dhe se nëse do i pranonin, do kishin shitur gjakun e Aleksit.Ai akuzoi ish-kryeministrin Berisha, Lulzim Bashën, Ndrea Prendin dhe Adriatik Llalën se kanë manipuluar hetimin.
“Ky propozim për zgjidhjen e çështjeve me të holla na është bërë dy here nga Strasburgu, e kemi refuzuar si akt i shëmtuar për ne, vrasje nuk zgjidhet me para, i bie të shisnim gjakun e Aleksit. E kemi kërkuar që kjo të refuzohet nga avokatura shqiptare. Kam një dyshim që Strasburgu ja faturon prokurorisë së Tiranës dhe pastaj ta mbyllë, se do penalistë dhe juristë të mirë, që prokuroria si ka prandaj duam të çohet në SPAK, se na ka thënë që si plotëson kushtet, Unë akuzoj Berishën , Bashën, Prendin, prokurori i përgjithshëm që ka manipuluar hetimin, Llalla. Ndryshe kjo çështje është e destinuar të varroset sërish. Plumbi i Aleksit sipas prokurorisë së Stambollit është dëmtuar në kokë, kurse në këtë të Tiranës thonë është i shtypur, se nuk ka laboratorë. Tani këta duhet të hetojnë kush e prishi plumbin se kështu gjejnë fajtorin. Për të rifilluar hetimet SPAK do prova këto i ka prokuroria e Tiranës”, tha Mark Nika.
