Policia e Vlorës ka proceduar penalisht dy persona për veprën penale “prishja e qetësisë publike”, pasi kanë vendosur muzikë të lartë pas orës policore. Mësohet se të proceduar janë pronari i një lokali dhe një person tjetër që mbante muzikë të lartë në një mjet lundrues, gomone.
” -B. L., banues në Tiranë, pasi ka prishur qetësinë publike, duke mbajtur muzikë të lartë në lokalin e tij.
-O. B., banues në Vlorë, pasi ka prishur qetësinë publike, duke mbajtur muzikë të lartë në një mjet lundrues tip gomone.”, thuhet në njoftimin zyrtar të policisë.
Gjithashtu policia ka sekuestruar edhe disa pajisje muzikore. Mësohet se materialet iu referuan Prokurorisë, për veprime të mëtejshme.
Njoftimi i Policisë Vlorë:
Procedohen penalisht 2 shtetas për veprën penale “Prishja e qetësisë publike”.
Sekuestrohen disa pajisje muzikore.
Në zbatim të planit të masave për garantimin e rendit dhe qetësisë publike dhe monitorimin e lokaleve që vijojnë organizimet me muzikë, shërbimet e Komisariatit të Policisë Vlorë, gjatë kontrolleve në lagjen “Uji i Ftohtë”, kanë konstatuar dhe kanë proceduar për veprën penale “Prishja e qetësisë publike”, shtetasit:
-B. L., banues në Tiranë, pasi ka prishur qetësinë publike, duke mbajtur muzikë të lartë në lokalin e tij.
-O. B., banues në Vlorë, pasi ka prishur qetësinë publike, duke mbajtur muzikë të lartë në një mjet lundrues tip gomone.
Materialet u referuan Prokurorisë, për veprime të mëtejshme.
