Ish-kryetari i Lidhjes Demokratike të Kosovës, Isa Mustafa ka reaguar pasi dha dorëheqjen nga forca poltike që drejtonte. LDK pësoi një humbje të madhe në zgjedhje duke mos fituar në asnjë komunë. Mustafa ka thënë se rezultati është shumë i keq për LDK-ën dhe se nuk e kanë pritur pasi kanë bërë punë të madhe në terren me kandidatin e tyre për kryeministër, Avdullah Hoti. Isa Mustafa deklaroi se ka njoftuar kryesinë për dorëheqjen dhe për organizimin e zgjedhjeve që do të nxjerrin një kryetar të ri. Ai ndër të tjera ka thënë se do të punohet që LDK të rikthehet të jetë një forcë e fuqishme politike.
“Vlerësoj se rezultati është shumë i keq për LDK-në. Rezultat që nuk e kemi pritur fare, edhe takimet që kemi pasur në terren edhe nga puna që ka bërë kandidati ynë Avdullah Hoti. Por vota e qytetarëve është ajo që respektohet dhe në shenjë të respektimit të kësaj vote dhe hapjes së rrugëve të mëtutjeshme për riorganizim të LDK unë sot e kam njoftuar kryesinë se do ta thërras Kuvendin për zgjedhjen e kryetarit të ri të LDK-së, në mënyrë që LDK të ketë së shpejti kryetarin e ri. Ne do të mobilizohemi, të punojmë që LDK të kthehet dhe të jetë forcë e fuqishme politike”- tha Mustafa.
