Një person në Tiranë është plagosur në punë, pasi ka rënë në shkallët e një restoranti në “Don Bosko.
40-vjeçari ra aksidentalisht nga shkallët dhe grupi hetimor po punon për sqarimin e rretanave të ngjarjes.
“Me datë 01.12.2021, rreth orës 12:50, në rrugën “Don Bosko”, në një restorant, aksidentalishit ka rënë nga shkalla shtetasi E. Sh., 40 vjeç, i cili ishte duke punuar. Si pasojë ky shtetas është dëmtuar dhe ndodhet në spital nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e policisë.
Duhet theksuar se aksidentet në vendin e punës janë një fenomen në rritje në vendin tonë, ku duket se nuk po marrin zgjidhje.
Faktori kryesor që çon në nivel të lartë të aksidenteve në punë është mungesa e sigurisë në punë, ndërkaq që vlerësohen edhe lodhja e punonjësit apo mungesa e përqëndrimit në momentin që realizon një punë të caktuar.
Siguria dhe Shëndeti në Punë (SSHP) është një proces kompleks për përmirësimin e kushteve të punës, mjedisit të punës, parandalimin e aksidenteve, të sëmundjeve profesionale dhe gjithë promovimin e shëndetit dhe sigurisë në punë. SSHP është element kyç i cilësisë së punës dhe rentabilitetit të punës.
Ajo që evidentohet si ngërçi i problemit është se nuk mbahen në rregull dhe nuk përpilohen dokumentet nga punëdhënësit që lidhen me zbatimin e ligjit, si raportet periodike, vlerësimi i riskut, statistikat e aksidenteve, etj.
