Kreu i forcës Quds të Iranit vizitoi Bejrutin në shkurt, ndërsa aleati i tyre, Hamas, ishte nën sulmet izraelite në Gaza. Lajmi u bë i ditur nga Reuters, duke zbuluar se tema e takimit ishte mundësia e një ofensive të plotë izraelite në Liban.
Në Bejrut, Esmail Qaani, shefi i Quds-it, u takua me liderin e Hezbollahut, Sayyed Hassan Nasrallah, në një takim të tretë që nga sulmet e 7 tetorit në Izraelin jugor dhe kundërpërgjigja hakmarrëse e Izraelit në Gaza.
Në një takim paraprak, Nasrallah siguroi Qaanin se nuk ishte dëshira e tyre që Irani të përfshihej në një luftë me Izraelin ose SHBA-në, dhe se Hezbollahu do të luftonte vetë. “Kjo është lufta jonë,” i tha Nasrallah Qaanit, sipas një burimi iranian i njohur për diskutimet.
Në pesë muajt e fundit, Hezbollahu, armiku i betuar i Izraelit, ka shfaqur mbështetje për Hamasin dhe ka sulmuar kufirin verior të Izraelit me raketa.
