Ka nisur tashmë prej një ore e gjysmë një protestë e madhe dhe spontane në Tiranë, ku qytetarët e kryeqytetit po protestojnë pas vrasjes së Klodian Rashës nga policia.
“Ata mund të të vrisnin ty moj, tu dal me ble bukë. Ata ta vrasin lirinë”.
Pas këtyre fjalëve drejtuar një efektiveje të policisë, një i ri i revoltuar teksa protestonte kundër vrasjes së Klodjan Rashës nga ana e policisë, ka kaluar kordonin dhe ka qëlluar me një shishe qelqi murin e Ministrisë së Brendshme.
Mbrëmjen e sotme qindra protestues janë mbledhur para Ministrisë së Brendshme duke kërkuar drejtësi për vrasjen nga ana e policisë mëngjesin e 8 dhjetorit, të 25-vjeçarit Klodjan Rasha.
/GazetaReforma.com/
