Një aksident tragjik ka ndodhur mëngjesin e kësaj të marte në Bullgari ku kanë humbur jetën 45 persona, nga Maqedonia e Veriut.
Ndërkohë kanë shpëtuar nga aksidenti i tmerrshëm 7 persona, mes të cilëve edhe një çift shqiptar.
Bëhet fjalë për Lulzim Sulejlmanin dhe të fejuarën e tij Medina Lutfiu, shqiptarë nga Maqedonia e Veriut.
Vetëm pak ditë pas fejesës, të rinjtë kishin vendosur që të udhëtonin drejt Stambollit, ndërsa i ishin drejtuar një agjencie, ku kishin udhëtuar nga Maqedonia drejt shtetit turk.
Sipas autoriteteve bullgare shtatë të mbijetuarit e tragjedisë ndodhen aktualisht në spitalin “Pirogov”, fatmirësisht jashtë rrezikut për jetën.
Kujtojmë që një nga të mbijetuarit i ka rrëfyer kryeministrit Zaev se se ata që kanë arritur të shpëtojnë kanë thyer dritaret dhe kanë dalur nga autobusi. Personi që ka shpëtuar ka trguar se fillimisht pasagjerët janë tronditur kur kanë dëgjuar një shpërthim.
“Ai më tha se ka dëgjuar shpërthim. Kanë arritur të shpëtojnë pasi kanë thyer dritaret dhe kanë arritur të dalin nga autobusi. Viktimat e tragjedisë janë persona të moshës prej 25-30 vjeç, ka edhe fëmijë. Tragjedia është e madhe. Ju besojmë kolegëve tanë bullgarë për hetimin. Nëse u duhet ndihmë, jemi të gatshëm të ndihmojmë në hetim. Tani më e rëndësishmja është të shohim t’u ndihmojmë të lënduarve”, deklaroi Zaev.
