Reperi shqiptar Mozzik ka paralajmëruar se është gati për një album të ri.
Përmes një postimi në Instagram, Mozzik shprehet se muzika është e vetmja drogë që i ka dhuruar emocione.
Reperi shprehet se muzikës i ka falur gjysmën e rinisë dhe se tani është koha për album të ri.
“MUZIKË ! Të fala gjysmën e rinisë, të fala shumë ..nganjëherë më shumë se sa “duhet” të njoftova shumë i ri , të dhashë atë që e meriton dhe po më jep atë që meritoj..Sado rrugët që u munduan të na ndajnë gjithmonë gjeta rrugën të jem me ty.. Zoti m’fali jetë/Jeta m’fali emocione/Emocionet m’krijuan Art / Arti u shkri në muzikë .. Muzikë të kam të vetmen “Drogë” që marr ! Të ka ardhur koha për Album”.
Mirëpo surpriza e Mozzik nuk mbyllet me kaq, pasi ai ka njoftuar se pjesë e albumit do të jetë edhe një këngë kushtuar vajzës së tij të vogël Hana.
Reperi e dha lajmin e bukur pasi një ndjekës e pyeti në Instagram nëse do të ishte mirë që të bënte një këngë për vajzën.
Mozzik nuk hezitoi fare t’i kthejë përgjigje: “E kom kry para një jave, në album është kënga”.
Reperi dhe gruaja e tij, Loredana Zefi së fundmi kanë njoftuar se do të performojnë në Belgjikë në një skenë me Cardi B, Nicky Jam dhe yjeve të tjera të muzikës botërore./iconstyle.al
