Gjithnjë e më larg duket një bashkim i Granit Xhakës me Jose Mourinho te Roma këtë verë. Lajme jo të mira vijnë nga Anglia për teknikun portugez, teksa zërat për një rinovim të marrëveshjes së futbollistit me Arsenalin, sa vijnë e shtohen. Calciomercalto.it shkruan se një kalim i Xhakës në kryeqytetin italian është thuajse e pamundur.
Roma ishte e bindur ta mbyllte marrëveshjen duke shfrytëzuar dëshirën e deklaruar të lojtarit për t’u bashkuar me Mourinhon në kryeqytet. Por para Kampionatit Evropian nuk kishte qëndrueshmëri nga ana e klubit verdhëekuq nëpërfundimin e marrëveshjes. Dhe më pas, me Xhakën protagonist me ekipin e tij kombëtar, Arsenali nuk u hap kurrë ndaj zbritjeve të mundshme në krahasim me kërkesën prej 20 milionë eurosh.
Duke qenë se “Topçinjtë” nuk pranuan të bënin zbritje në çmimin e lojtarit, Roma pasi arriti objektivat Vina dhe Shomurodov, nuk pati forcën për të nisur sulmin për të anuluar rezistencën e londinezëve ndaj shitjes së mesfushorit zviceran. Në fakt, rinovimi i Xhakës me Arsenalin mund të vijë orët e ardhshme . Ekziston gjithashtu një vështirësi në gjetjen e ekuilibrit të duhur me protagonistët e ndryshëm të pranishëm në negociata, që është bërë e ndërlikuar me kalimin e kohës. Por pavarësisht këtyre, Mourinho duket se do të përfundojë i zhgënjyer pasi e kishte pritur prej kohësh zvicerianin tek Roma.
