Motra e Saimir Sulës, ka dalë sërish në protestë për ti bërë apel instancave që të kryejnë verifikimin e ADN-së së organit të vëllait të saj në laboratorin e mjekësisë ligjore. Sajmir Sula, vdiq në një spital në Spanjë dy vite më parë, ku kishte shkuar për COVID dhe doli i vdekur dhe pa zemër. Ky proces është zvarritur prej kohësh dhe familjarët kanë dyshime se zemra e sjellë nga Spanja nuk i përket Saimirit.
“Nuk e kuptoj pse Saimir është në varr pa zemër dhe zemra e tij është në laboratorin e mjekësisë ligjore, gjithmonë nëse është e tij. Familja ka denoncuar dyshimin se zemra nuk është e tij, sepse pakoja me zemrën që pretendohet se është e tij nuk vjen me një provë gjenetike që dëshmon se organi i përket Saimir Sulës. Zoti Ulsi Manja ju kujtoj se në letër porosinë e dytë që u nis në Spanjë kërkuam që zemra të sillej në Shqipëri dhe të bëhej testi i ADN-së për të parë nëse zemra i përkiste Saimirit”, u shpreh ajo.
