Motra e Liridona Ademajt, ka hedhur poshtë deklaratat e familjes së Naim Murselit se ndihen të kërcënuar nga një hakmarrje e mundshme. Për emisionin ‘Me zemër të hapur’ në News24, Brikenda Ademaj tha se nuk ka pasur asnjë kërcënim për familjen e Murselit.
“Ne kemi kallëzuar se ka pasur jetë të lumtur me Naimin. Nuk është e vërtetë se ka pasur sekrete. Ne kemi kallëzuar gjithçka që kemi ditur, se ne duam të mbrojmë Liridonën. E kam bërë foton dy ditë para se të vritej Liridona. Liridona ka pasur shumë sende brenda që nuk na i ka kallëzuar si familje.
Nuk na ka thënë ndonjë sekret. Asnjë gjë. Se kam dëgjuar që ka pasur debate për tradhti. Gjithmonë ka qenë pranë nesh, kur fliste me Naimin. Ai e pyeste për fëmijët. Nuk kam qenë në familjen tonë, kur ajo iku për Prishtinë. Kam qenë te burri im. Kur kam qenë në fshat, kanë folur. Ata po mobilonin dhe shtëpinë e tyre. Ata nuk kanë ikur asnjëherë nga shtëpia e tyre. S’kanë pasur sherre”, tha ajo.
