Reshjet intensive të shiut dhe dëborës kanë përfshirë gjithë vendin, duke krijuar probleme në disa akse rrugore dhe zona të thella.
Në aksin Përrenjas-Qafë Thanë ka prani të dëborës dhe ngricave, duke e bërë të vështirë kalimin e mjeteve.
Policia ka vendosur kontrolle dhe lejon vetëm kalimin e automjeteve të pajisura me zinxhirë dhe goma dimërore.
Situata është më kritike në aksin Librazhd-Peshkopi, ku trashësia e dëborës ka kaluar 50 cm, ndërsa temperaturat kanë rënë deri në -7°C. Ky segment është pothuajse i pakalueshëm për shkak të ngricave të shumta.
Ndërkohë, disa fshatra në bashkitë Përrenjas dhe Librazhd janë bllokuar nga dëbora.
Autoritetet po punojnë për të hapur rrugët dhe për të normalizuar situatën.
