Moti i keq ka përfshirë Shqipërinë gjatë paradites së të premtës. Deri më tani është raportuar se në qytetin bregdetar të Durrësit përshkak të stuhive me erëra të forta dhe reshje të shumta shiu kanë krijuar probleme jo vetëm te kalimtarët por edhe në qarkullimin e automjeteve.
Gjithashtu lundrimi detar është ndërprerë për anijet e peshkimit, ndërsa tragetet nga Durrësi drejt Barit u nisën me 8 orë vonesë për shkak të dallgeve që shkonin 6 deri 7 ballë në detin Adriatik. Burimet nga porti detar i Durrësit bëjnë me dije se situata pritet të përmirësohet pas 24 orësh në Adriatik për lundrimet e mjeteve pa problem. E njëjta situatë shikohet dhe në qytetin e Lezhës. Në disa lagje të qytetit sistemi i kanalizimeve nuk e përballoj nivelin e prurjeve, duke bërë që uji të dalë në sipërfaqe dhe të vërshojë nëpër rrugë.
Situata më problematike paraqitet në bulevardin ‘Gjergj Fishta’ dhe në bllokun e banimit ’11 Janari’ në lagjen Besëlidhja. Niveli i ujit ka arritur në disa cm, duke vështirësuar lëvizjen e qytetarëve dhe automjeteve.
